Тасгийн танилцуулга
Гэмтэл болон бүх төрлийн нуруу, нугасны мэс засал, ээрцэг, гарын мэс засал, бичил мэс засал, ясны хавдрын эмчилгээ, хөл, тавхайн өвчний мэс засал, өвдөгний үе болон мөрний үе солих мэс засал, үе мөчний дурангийн аппарат ашиглан оношилж, мэс заслын чиглэлээр мэргэшсэн судалгаа, шинжилгээ хийхийг зорин ажиллаж байна.
- Гэмтэл - авто тээврийн осол, гэмтэл болон бусад олон төрлийн ослын гаралтай ясны хугарал, тахир дутуу болох, шөрмөсний гэмтэл, булчингийн гэмтэл, мэдрэлийн гэмтлийг мэдлэг, туршлага, судалгаа, шинжилгээнд үндэслэн оношилж, сүүлийн үеийн дэвшилтэт арга, хэрэгсэл ашиглан эмчилдэг ба гэмтлийн дараа үүсч болох хүндрэлийг эмчилж байна.
- Нуруу, нугас - нуруу, нугасанд үүссэн сөнөрөлтөт өөрчлөлт, нуруу, нугасны өөрчлөлт болон хазайлт, нуруу, нугасны хавдар, гэмтлээс үүссэн ясны хугарал, мэдрэлийн гэмтэл зэрэг нуруу, нугасны өвчин, гэмтлийг системтэйгээр судалж, шинжилж, эмчилж байгаа ба микроскопын аргаар мэс засал хийж байна.
- Ээрцэг - мэс заслын өрөөнд бүрэн тоноглолтой хувцас, зүсэлт жижиг, сайжирсан аппарат ашигладаг тул халдвар, хүндрэл бага, мэс заслын хугцаа богино, үе мөчний насжилт урт үе солих мэс заслыг хийж байна.
- Мөр, тохойн үе мөч - мөр болон тохойн дийлэнх өвчнийг мэс засал хийлгүйгээр эмчилж болдог.
- Гар болон бичил мэс засал - гарын үеийн үрэвсэл, сөнөрөлтөт өвчин, дөрвөн мөчний хавдар, гэмтлээс үүссэн гар болон биеийн дээд хэсгийн гэмтлийг мэс заслын аргаар засах эсвэл микроскопын мэс заслын арга ашиглан нөхөн сэргээх мэс ажилбараар дөрвөн мөчний үйл ажиллагааг сэргээхийн тулд хичээж ажиллаж байна.
- Хөлний тавхай, шагайн үе - хөл нь эрт дээр үеэс оймс гутланд халхлагдаж, үнэр гардаг гэсэн утгаараа хүндэтгэл хүлээдэггүй биеийн эрхтний нэг байсан. Гэсэн хэдий ч сүүлийн үед бидний амьдралын хэв маяг барууны соёлыг даган өөрчлөгдөж эрүүл мэнддээ анхаарах анхаарал ихсэж байгаатай холбогдуулан хөлний талаарх хүмүүсийн ойлголт нэмэгдэж байгаа билээ. Хөл тавхайн клиник нь хөл тавхай болон шагайн үеэнд үүсдэг бүх өвчнөөс урьдчилан сэргийлж, уламжлалт эмчилгээ, мэс заслын эмчилгээ, нөхөн сэргээх асуудлыг хариуцдаг мэргэжлийн клиник юм.
- Өвдөгний үе - туяаны дүрсэнд сайн харагддаггүй хэдий ч өвдөлт ихтэй үеийн мөгөөрсийн согог, үе солих мэс засал хийх шаардлагатай сөнөрөлтөт өвдөгний үеийн үрэвслийг нарийн оношилж, үе шат тус бүрийн эмчилгээгээр дамжуулан үе мөчний үрэвсэлтэй өвчтөнд тохирсон эмчилгээг үзүүлж байна.